පකිස්තානු ජාවෙඩ් මියන්ඩාඩ් අපේ ක්‍රීඩකයින්ට දේශප්‍රේමීත්වය පිලිබඳ පාඩමක් කියා දෙයි

පකිස්තානු ජාවෙඩ් මියන්ඩාඩ් අපේ ක්‍රීඩකයින්ට දේශප්‍රේමීත්වය පිලිබඳ පාඩමක් කියා දෙයි

(ෆාස්ට් නිව්ස් | කොළඹ) – ශ්‍රී ලංකා ක්‍රීඩකයින් 10 දෙනාටම දඬුවම් දියයුතුයි! පකිස්තානු ජාවෙඩ් මියන්ඩාඩ් අපේ ක්‍රීඩකයින්ට දේශප්‍රේමීත්වය පිලිබඳ පාඩමක් කියා දෙයි

ශ්‍රී ලංකා ක්‍රීඩකයින් 10 දෙනාටම දඬුවම් දියයුතුයි! – නීතිමය පියවර ගන්න පකිස්තානයෙන් ලංකාවට උපදෙස්.

අප දන්නා කරුණක් තමයි එළැඹෙන පාකිස්තාන සංචාරයට පෞද්ගලික හේතු දක්වමින් ඉවත් වූ ශ්‍රී ලංකා කණ්ඩායමේ ක්‍රීඩකයන් සඳහා ශ්‍රී ලංකා ක්‍රිකට් ආයතනය විනය පියවර ගනිමින් ඔවුන්ට දඬුවම් කළ යුතු බව පාකිස්තාන හිටපු නායක ජාවෙඩ් මියන්ඩාඩ් ප්‍රකාශ කර තිබෙන බවට හින්දුස්ථාන් ටයිම්ස් පුවත්පත වාර්තා කරයි.

කොහොම නමුත්, මියන්ඩාඩ් වැඩිදුරටත් මේ පිළිබඳව අදහස් දක්වමින් පෙන්වා දී ඇත්තේ ජාත්‍යන්තර ක්‍රිකට් පිටිය තුළ තමන්ගේ රට නියෝජනය කිරීමේ වගකීම පැහැරහරිමින් පාකිස්තාන සංචාරයෙන් ඉවත් වීම විනය විරෝධී ක්‍රියාවක් බවයි. කෙසේ වෙතත් එහිදී අදහස් දක්වා ඇති මියන්ඩාඩ් “පාකිස්තානයේ සංචාරය කරන්නේ ශ්‍රී ලංකාවේ කුමන කණ්ඩායමක් වුවත් ප්‍රශ්නයක් ගැටළුවක් නොවන බවකි. පාකිස්තානය කළ යුත්තේ සංචාරකයන්ගේ සංචිතයේ ගුණාත්මකභාවය ගැන නොසිතා තමන්ගේ දක්ෂතා උපරිම අයුරින් දක්වමින් ක්‍රීඩා කිරීමයි” යනුවෙන්ද පවසා ඇත.

තවද පාකිස්තාන ක්‍රිකට් දින දර්ශනයට ඇතුළත් ශ්‍රී ලංකා, ඕස්ට්‍රේලියා සහ බංග්ලාදේශ තරඟවලින් ආරම්භය සටහන් වන ශ්‍රී ලංකා තරගාවලිය පකිස්තානු කණ්ඩායමට ප්‍රබල බලපෑමක් එල්ල කරන බවත් ශ්‍රී ලංකාවට එරෙහිව පාකිස්තානය තුළ ක්‍රීඩා කරන්නට අවස්ථාව ලැබීම පාකිස්තාන ක්‍රීඩකයන්ට ඔවුන් තුළ දැඩි විශ්වාසයක් හා හොඳ මානසිකත්වයක් ඇතිකරන්නක් බවත් මියන්ඩාඩ් වැඩි දුරටත් එහිදී අදහස් ප්‍රකාශ කර තිබේ.

කෙසේ නමුත් මීට දින කිහිපයකට ඉහතදී මෙම සංචාරය සම්බන්ධයෙන් අදහස් දක්වා තිබූ පාකිස්තාන ක්‍රිකට් පාලක මණ්ඩලයේ සභාපති ඒහ්ෂාන් මානි (Ehsan Mani) ප්‍රකාශ කර සිටියේ ශ්‍රී ලංකා කණ්ඩායමේ පාකිස්තාන ක්‍රිකට් සංචාරය පවත්වනවාද නැද්ද යන්න සම්බන්ධයෙන් මේ වන විට ගැටලුකාරී තත්ත්වයක් පැන නැඟී තිබුණද එම තරගාවලිය සඳහා පාකිස්තානයේ සත්කාරකත්වය ලබාදීම පිළිබඳ විශ්වාසයකින් පසුවන බවයි. යම් හෙයකින් මෙම සංචාරය සාර්ථකව පැවැත්වීමට හැකිවුවහොත් ශ්‍රී ලංකාව පාකිස්තානයේ ක්‍රිකට් සංචාරයකට එක්වන්නේ වසර 10කට පසුවයි. 2009 වසරේ ලාහෝර් නගරයේදී ශ්‍රී ලංකා කණ්ඩායම ඉලක්ක කරගනිමින් එල්ල වූ ත්‍රස්ත ප්‍රහාරයෙන් අනතුරුව පාකිස්තානය තුළ ජාත්‍යන්තර ක්‍රිකට් තරගාවලි පැවැත්වීමේ අර්බුදකාරී තත්ත්වයක් පැන නැඟී තිබේ. එම සිදුවීමෙන් අනතුරුව 2017 වසරේදී ශ්‍රී ලංකා කණ්ඩායම පාකිස්තානයේදී එක් විස්සයි-20 තරගයක් සඳහා සහභාගි වූ අතර සිම්බාබ්වේ හා බටහිර ඉන්දීය කොදෙව් කණ්ඩායම් පමණක් පාකිස්තානයේ ජාත්‍යන්තර ක්‍රිකට් තරගාවලි 2ක් සඳහා එක්වී තිබිණි.