(ෆාස්ට් නිව්ස් | පිලිපීනය) – කොවිඩ්-19 වසංගතයෙන් පිලිපීනය ඉක්මනින් යථා තත්ත්වයට පත් කිරීම සඳහා චීන රජය විසින් පරිත්යාග කරන ලද සීනොවැක් එන්නත්වල අතිරේක තොගයක් එරටට අඟහරුවාදා ලැබී තිබේ.
කොවිඩ්-19 ට එරෙහි සටනේ රජයේ ක්රියාමාර්ගවල ප්රධාන මෙහෙයුම් නිලධාරියා වන කාර්ලිටෝ ගැල්වේස් මෙම පරිත්යාගය වෙනුවෙන් චීන රජයට ස්තූති කළේය.
“මේ ම එන්නත්වලින් වැඩි ප්රමාණයක් දුර බැහැර ප්රදේශවලට බෙදා හැරීමට කටයුතු කරනු ලබනවා” ගැල්වෙස් මැනිලා හි ගුවන් තොටුපලේදී වාර්තාකරුවන්ට පැවසුවේ බොහෝ පිලිපීන ජාතිකයින් චීන එන්නත බූස්ටර් මාත්රාවක් ලෙස ගැනීම ගැන සලකා බලමින් සිටින බවයි.
අලුතින් ලබාදෙන කොවිඩ්-19 එන්නත් පිලිපීන ජාතිකයන්ට සෞඛ්ය සම්පන්නව සහ ආරක්ෂිතව වසර අවසාන නිවාඩු ගත කිරීම සඳහා දායක වනු ඇති බවට බලාපොරොත්තු වන අතර, රටේ ජාතික එන්නත් වැඩසටහන සහ වසංගතයෙන් යථා තත්ත්වයට පත්වීමට මෙම පරිත්යාගයන් ඉවහල්වනු ඇති බව පිලිපීනයේ චීන තානාපති හුවැන්ග් ෂීලියාන් සඳහන් කළේය.
