ෆේස් බුක් හරහා තරුණයින් ඇද ගත් ගණිකා නිවසක්

ෆේස් බුක් හරහා තරුණයින් ඇද ගත් ගණිකා නිවසක්

(ෆාස්ට් නිව්ස් | කොළඹ) – ගණිකා වෘත්තියේ නිරත වූ සුරූපී කතුන් තිදෙනකු ඊයේ (10) අලූයම අත්අඩංගුවට ගත් බව පිළියන්දල පොලිසිය පවසයි.

ඔවුන් පසුගිය දින වල ෆේස්බුක් හරහා සංවාදයේ යෙදෙමින් තරුණයන් මේ සඳහා ඉතා සූක්‍ෂම ලෙස නැඹුරු කරගෙන ඇති බවට තොරතුරු හෙළිව ඇත.

මෙම කාන්තාවන් තිදෙනා පිළියන්දල මොරටුව පාර, හොරණ පාර සහ කැස්බෑව විකල්ප මාර්ගයේ ස්ථාන තුනකදී අත්අඩංගුවට ගත් බව පොලිසිය සඳහන් කරයි.

බස්නාහිර පළාත් බුද්ධි කොට්ඨාසයට ලද තොරතුරක් අනුව මෙම වැටලීම සිදුකර තිබේ.

ඒ අනුව කාන්තාවන් මිලදී ගන්නා මුවාවෙන් එම ස්ථානවලට ආදේශන රාජකාරියෙන් ගිය පොලිස් නිලධාරීන්, මුදල් ගෙවා කාන්තාවන් මිලදී ගැනීමෙන් පසුව, ලබාදුන් දුරකථන ඇමතුමකට අනුව එකම අවස්ථාවකදී එම ස්ථාන වටලා ගණිකා වෘත්තිය සඳහා රැඳී සිටි කාන්තාවන් තිදෙනා මෙසේ අත්අඩංගුවට ගෙන තිබූ බව පොලිසිය පවසයි.

ඉංගිරිය සහ මාතලේ ප‍්‍රදේශවල පදිංචි කාන්තාවන් දෙදෙනකු සහ පරිවාස භාරයේ හැදී වැඞී පසුව ගිවිස ගත් විවාහයද හැර ආ දෙදරු කාන්තාවක්ද සිටි බව පොලිසිය සඳහන් කරයි.

මොවුන් වයස අවුරුදු 24, 43 සහ 28 වයසේ පසුවන්නන් වේ.

කොළඹ ප‍්‍රදේශයේ රැකියා කරන බව නිවෙස්වලට පවසා මෙහි රැඳී සිටිමින් මුහුණු පොත හරහා සිය ගිණුමට එකතු වන මිතුරන්ට, ‘‘මගේ අම්මා මට බෑණා කෙනෙක් සොයයි…, මට පාලූයි පුලූවන්නම් ඇමතුමක් ගන්න…, ආදරේ කරන්න මිතුරෙක් සොයයි….’’ යනුවෙන් වැකි සඳහන් කොට අදාළ දුරකථන අංකයට කතා කරන මිතුරන් සමඟ පේ‍්‍රම සබඳතාවක් ඇති කරගෙන, මුදලට ලිංගිකව හැසිරීමට පොළඹවාගෙන ඇතැයි අනාවරණය වී ඇත.

CATEGORIES

COMMENTS

Wordpress (0)