සිසුවෙකු අපයෝජනය කළ තරුණ ගුරුවරියක අත්අඩංගුවට

සිසුවෙකු අපයෝජනය කළ තරුණ ගුරුවරියක අත්අඩංගුවට

(ෆාස්ට් නිව්ස් | කොළඹ) –  සිසුවෙකු ලිංගික අපයෝජනයට ලක් කර ඇති බවට කියන සිද්ධියක් සම්බන්ධයෙන් සැකපිට 27 හැවිරිදි උපකාරක පන්ති ගුරුවරියක අත්අඩංගුවට ගෙන තිබේ.

ඒ වැලිගම පොලිසිය විසිනි.

පහළොස් හැවිරිදි බාලවයස්කාර පිරිමි ළමයකු මෙලෙස අපයෝජනය කර ඇත.

මේ සම්බන්ධයෙන් පිරිමි දරුවාගේ මව විසින් වැලිගම පොලිසියට කළ පැමිණිල්ලකට අනුව පරීක්‍ෂණ පවත්වා සැකකාරිය අත්අඩංගුවට ගත්තේය.

මෙම පිරිමි දරුවා සැකකාරිය විසින් සිය නිවසේ පවත්වාගෙන ගිය බවට කියන උපකාරක පන්තියට යමින් සිට ඇති බව වාර්තාවේ.

මේ මස 6 වැනිදා උපකාරක පන්තියට සහභාගි වූ පිරිමි දරුවා නිවසට නොපැමිණීම හේතුවෙන් එම දරුවාගේ මව උපකාරක පන්තිය පවත්වන නිවසට ගොස් ඇති අතර එහි දී සැකකාරියගේ මව පවසා ඇත්තේ ඈ නිවසේ නැති බවයි.

පසුව වහාම ක‍්‍රියාත්මක වූ වැලිගම පොලිසිය මේ සම්බන්ධයෙන් විමර්ශන සිදු කර ඇති අතර එහිදී අනාවරණය වී ඇත්තේ සැකකාරිය විසින් පිරිමි ළමයා ලිංගික කටයුත්තක් සඳහා රැගෙන ගොස් ඇති බවයි.

පසුව 12 වැනිදා වැලිගම පොලිසියේ දැන්වීම මත පිරිමි ළමයාත් සැකකාරියත් පොලිසියට ඉදිරිපත් වී තිබේ.

මෙහිදී පිරිමි ළමයා ප‍්‍රකාශ කර ඇත්තේ සැකකාරිය තමා කොළඹ සහ නුවර ප‍්‍රදේශවල හෝටල්වලට ගෙන ගිය බවයි. මෙම ප‍්‍රකාශ මත පොලිසිය සැකකාරිය අත්අඩංගුවට ගෙන ඇත.

CATEGORIES

COMMENTS

Wordpress (0)