සම්මු අශාන්ගේ තුන් ඉරියව් දක්ෂතා හේතුවෙන් වයස අවු. 19 න් පහළ දකුණු අප්රිකා කණ්ඩායම සමග පැවැති තෙවැනි එක්දින තරගයෙන් ශ්රී ලංකා වයස අවු. 19 න් පහළ කණ්ඩායමට කඩුලු 6 ක ජයක් හිමිවිය.
ඒ අනුව තරග තුනකින් සමන්විත අදාළ තරගාවලියේ තරග 2-1 ක් වශයෙන් ශ්රී ලංකා කණ්ඩායමට ජය හිමිවිය.
එහිදී තරගයේ පළමුවෙන් පන්දුවට පහරදුන් ද. අප්රිකා ක්රීඩකයෝ පන්දුවාර 50 අවසානයේ කඩුලු 9 කට ලකුණු 195 ක් රැස්කළ අතර පිළිතුරු ඉනිම ක්රීඩා කළ ශ්රී ලංකා කණ්ඩායම පන්දුවාර 45.5 ක් අවසානයේ කඩුලු 4 ක් දැවී ලකුණු 199 ක් රැස්කර ගැණින.
එහිදී ශ්රී ලංකා කණ්ඩායම වෙනුවෙන් තුන් ඉරියව්වෙන් දස්කම් දැක්වූ සම්මු අශාන් නොදැවී ලකුණු 70 ක් හා පන්දු යවමින් ලකුණු 38 ක් තුළ කඩලු 3 ක් බිඳ හෙළුවේය.
ලකුණු සටහන
ද. අප්රිකා කණ්ඩායම පන්දුවාර 50 අවසානයේ කඩුලු 9 ක් දැවී ලකුණු 195 යි. (වැන්ඩිල් මක්වෙටූ 26, රේනාඩ් වොන් ටොන්ඩර් 37, වියාන් මල්ඩර් 59, දමිත සිල්වා 4/48, සම්මු අශාන් 3/38)
ශ්රී ලංකා කණ්ඩායම පන්දුවාර 45.5 ක් අවසානයේ කඩුලු 4 ක් දැවී ලකුණු 199 යි. (ශම්මුගනාදන් ශනුගීත් 41, අවිශ්ක ප්රනාන්දු 16, සම්මු අශාන් (නොදැවී) 70, අශේන් බණ්ඩාර (නොදැවී) 37, වියාන් මල්ඩර් 2/32)
