(ෆාස්ට් නිව්ස් | දකුණු අප්රිකාව) – දකුණු අප්රිකාව, Oxford-AstraZeneca කොරෝනා මර්දන එන්නත ලබාදීම අත්හිටුවා ඇත.
එරටින් හමුවූ නව කොරෝනා වෛරස් ප්රභේදයට එරෙහිව එම එන්නතෙන් ලබාදෙන ආරක්ෂාව ප්රමාණවත් නොවන බව පවසමින් දකුණු අප්රිකා බලධාරීන් මෙම තීරණය ගෙන ඇති බව විදෙස් මාධ්ය වාර්තා කරයි.
ඒ අනුව විශේෂඥ කමිටු උපදෙස් ලැබෙන තෙක් එන්නත ලබාදීම තාවකාලිකව අත්හිටුවන බව දකුණු අප්රිකානු සෞඛ්ය අමාත්යවරයා ප්රකාශ කළේය.
එරට විශ්විවිද්යාලයක් විසින් පුද්ගලයන් 2,000 ක් පමණ යොදා ගනිමින් සිදු කරන ලද අධ්යනයකින් පසු සෞඛ්ය බලධාරීන් මෙම තීරණය ගෙන තිබේ.
මේ අනුව ඇස්ට්රා සෙනෙකා -ඔක්ස්ෆර්ඩ් එන්නත වෙනුවට , Johnson & Johnson සහ Pfizer සමාගම් නිෂ්පාදනය කළ කොරෝනා මර්දන එන්නත් සිය සෞඛ්ය සේවකයන්ට ලබාදෙන බව දකුණු අප්රිකාව ප්රකාශ කළේය.
