(ෆාස්ට් නිවුස් | කොළඹ) – උතුරු, බස්නාහිර, මධ්යම, වයඹ සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි හෝ ගිගුරුම් සහිත වැසි ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි.
මන්නාරම සිට කන්කසන්තුරය හරහා ත්රිකුණාමලය දක්වා වන මුහුදු ප්රදේශවල වැසි හෝ ගිගුරුම් සහිත වැසි ඇතිවන අතර ගැඹුරු මුහුදු ප්රදේශවල තරමක් තද වැසි ද අපේක්ෂා කළ හැක.
දිවයින වටා වන සෙසු මුහුදු ප්රදේශවල ද සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි අතර සුළගේ වේගය පැ.කි.මී. (30-40) පමණ වේ.
උතුරු, උතුරු-මැද, ඌව සහ නැගෙනහිර පළාත්වල ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සිදුවන බලපෑම සහ අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටියි.
