(ෆාස්ට් නිව්ස් |කොළඹ ) – අද දිනයේ උතුරු – උතුරු මැද සහ වයඹට තද සුළං හමන බව කාලගුණ විද්යා දෙපාර්තමේන්තුව නිවේදනය කරයි.
අද (07) දිනයේ සිට ඉදිරි දින කිහිපයේදී දිවයිනේ නිරිත දිග කොටසේ වැසි තත්ත්වයේ තරමක වැඩිවීමක් බලාපොරොත්තු වන බවත් එම දෙපාර්තමේන්තුව පවසයි.
මේ අතර බස්නාහිර, සබරගමුව, මධ්යම, දකුණු සහ වයඹ පළාත්වල විටින් විට වැසි හෝ ගිඟුරුම් සහිත වැසි ඇති විය හැකි අතර මන්නාරම, යාපනය සහ අනුරාධපුර දිස්ත්රික්කවලත් වැසි වාර කිහිපයක් ඇතිවේ.
ඉදිරි දින කිහිපයේදී, උතුරු සහ මධ්යම බෙංගාල බොක්ක මුහුදු ප්රදේශවල සහ උතුරු සහ මධ්යම අරාබි මුහුදු ප්රදේශවල සුළඟේ වේගය විටින් විට පැ.කි.මී. 70-80 දක්වා වැඩි විය හැකි අතර එවිට එම මුහුදු ප්රදේශ විටින් විට ඉතා රළු හෝ දළ රළු විය හැකි බව කාලගුණ විද්යා දෙපාර්තමේන්තු පවසයි.
උතුරු සහ මධ්යම බෙංගාල බොක්ක මුහුදු ප්රදේශවල, අගෝස්තු මස 09 වන දින දක්වාද, උතුරු සහ මධ්යම අරාබි මුහුදු ප්රදේශවල අගෝස්තු මස 11 වන දින දක්වා ද ධීවර සහ නාවුක කටයුතුවල යෙදීම අනතුරුදායක බව එම දෙපාර්තමේන්තුව දැනුම් දෙයි.
