(ෆාස්ට් නිව්ස් | කොළඹ) – දිවුලපිටිය ප්රදේශයේ මත්පැන් විෂවීමක් හේතුවෙන් පුද්ගලයින් 6 දෙනෙකු ඊයේ (02) රෝහල් ගත වී තිබේ.
එම ප්රදේශයේ පදිංචි 42, සහ 52 යන වයස්වල පසුවන මෙම පුද්ගලයින් 6 දෙනා වමනය සහ ක්ලාන්තය වැනි රෝග ලක්ෂණ හේතුවෙන් මෙලෙස දිවුලපිටිය රෝහලට ඇතුළත් වී ඇත්තේ.
දිවුලපිටිය රෝහල් ප්රකාශකයෙකු සඳහන් කර සිටියේ ඉන් තුන් දෙනෙකු ගම්පහ රෝහලටත්, එක් පුද්ගලයෙකු රාගම රෝහලටත් මාරු කර යැවූ බවයි.
කෙසේ වෙතත් ගම්පහ රෝහලේ නේවාසිකව ප්රතිකාර ලබන තුන් දෙනා මත්පැන් විෂවීමක් හේතුවෙන් මෙම රෝග ලක්ෂණ ඇති වී තිබේ ද යන්න මෙතෙක් අනාවරණ වී නොමැති බව රෝහල් ප්රකාශිකාවක කියා සිටියේ.
පොලීසිය සැක පළ කරන්නේ බාදුරාගොඩ ප්රදේශයේ මත්පැන් නිෂ්පාදනය කරන ස්ථානයකින් එම මත්පැන් පානය කිරීම හේතුවෙන් මොවුන් මෙලෙස රෝහල් ගත වූ බවයි.
