(ෆාස්ට් නිව්ස් | කොළඹ) – දිවයිනේ නිරිත දිග කොටසේ වැසි තත්ත්වයේ වැඩිවීමක් අද(26) සහ හෙට (27) බලාපොරොත්තු විය හැකි බව කාලගුණවිද්යා දෙපාර්තමේන්තුව නිවේදනය කරයි.
විශේෂයෙන් දකුණු සහ සබරගමුව පළාත්වල වැඩි වශයෙන් වැසි ඇතිවිය හැක.
බස්නාහිර, සබරගමුව, මධ්යම, දකුණු සහ ඌව පළාත්වල සවස 2.00 පමණ පසුව වැසි හෝ ගිගුරුම් සහිත වැසි ඇතිවේ.
රත්නපුර, කළුතර ,ගාල්ල සහ මාතර දිස්ත්රික්කවල ඇතැම් ස්ථානවලට මි.මී. 150 ට වැඩි ඉතා තද වැසි සහ ඌව සහ මධ්යම පළාත්වලත් කෑගල්ල, කොළඹ සහ ගම්පහ දිස්ත්රික්කවලත් ඇතැම් ස්ථානවලට මි.මී. 100 පමණ තද වැසි ඇති විය හැක.
දකුණු පළාතේ ද රත්නපුර,කළුතර,මොණරාගල සහ නුවරඑළිය දිස්ත්රික්කවලත් ප්රභල අකුණු තත්ත්වයන්ද ඇතිවිය හැකි බව කාලගුණවිද්යා දෙපාර්තමේන්තුව පවසයි.
