ජනාධිපති මෛත්රීපාල සිරිසේන මහතා විසින් ඊයේ (10) මධ්යම රාත්රියේ සිට බලපැවැත්වෙන පරිදි අතිවිශේෂ ගැසට් නිවේදනයක් මගින් පාර්ලිමේන්තුව විසුරුවා හරිනු ලැබීය.
ආණ්ඩුක්රම ව්යවස්ථාවේ 33 වන ව්යවස්ථාවේ දෙක – ඈ අනු ව්යවස්ථාව හා ආණ්ඩුක්රම ව්යවස්ථාවේ 62 වන ව්යවස්ථාවේ දෙවන අනු ව්යවස්ථාව සමග කියවිය යුතු ආණ්ඩුක්රම ව්යවස්ථාවේ 70 වන ව්යවස්ථාවේ 5 වැනි අනු ව්යවස්ථාව යටතේ ජනාධිපතිතුමාට පැවරී ඇති බලතල අනුව පාර්ලිමේන්තුව විසුරුවා හරින බව එම නිවේදනයෙහි සඳහන් කර තිබේ.
ඒ අනුව අභිනව පාර්ලිමේන්තුව 2019 ජනවාරි මස 17 වන දා කැඳවීමට ජනාධිපතිවරයා නියම කර තිබේ.
පාර්ලිමේන්තු ඡන්ද විමසීම 2019 ජනවාරි මස 05 වන දින සිදු කිරීමටත් ඒ සඳහා නාම යෝජනා භාර ගැනීම මේ වසරේ නොවැම්බර් මස 19 වන දා සිට 26 වැනිදා දහවල් 12.00 දක්වා සිදු කිරීමටත් ගැසට් නිවේදනය මගින් ජනාධිපතිවරයා නියම කර තිබේ.
