FAST NEWS

24×7 Around the Globe

ජාතික වෘක්කවේද විශේෂිත රෝහලේ ඉදිකිරීම් හෙට (21) ජනපති ප්‍රධානත්වයෙන්..

ජනාධිපති මෛතී‍්‍රපාල සිරිසේන මහතාගේ ඉල්ලිමක් මත චීන රජයෙන් ලැබුණු පූර්ණ පරිත්‍යාගයක් ලෙස පොළොන්නරුවේ ඉදිකෙරෙන චීන-ශී‍්‍ර ලංකා මිත‍්‍රත්ව ජාතික වෘක්කවේද විශේෂිත රෝහලේ ඉදිකිරීම් හෙට (21) පෙරවරුවේ ජනාධිපතිවරයාගේ ප‍්‍රධානත්වයෙන් ආරම්භ කෙරේ.
දකුණු ආසියාවේ විශාලතම වකුගඩු රෝහල ලෙස මෙම රෝහල ඉදිකෙරෙන අතර වැය කෙරෙන මුදල රුපියල් මිලියන 12,000 ක් වැය වෙයි.
මාස 24 ක් තුළ මෙම ව්‍යාපෘතිය අවසන් කිරීමට නියමිත අතර ඒ අනුව 2020 ජූලි මාසයේදී මෙහි කටයුතු නිමවිමට නියමීතය.
උතුරු මැද පළාතේ පමණක් නොව රට පුරා විසිර සිටින වකුගඩු රෝගීන් වෙනුවෙන් මෙම රෝහල ඉදිකෙරෙන අතර, ලොව නවීනතම පරික්ෂණාගාර සහ අධිතාක්ෂණික පහසුකම්වලින් සමන්විතය.
එමෙන්ම රෝගී ඇදන් 200 කින් සමන්විත වාට්ටු සංකීර්ණය, රුධිර කාන්දුකරණ යන්ත‍්‍ර 100 කින් සමන්විත බාහිර රෝගි ප‍්‍රතිකාර ඒකකය, බාහිර රෝගි හා විශේෂිත වෘක්ක රෝගී සායන සංකීර්ණය හා වෘක්ක බද්ධ කිරීමේ සේවාව සදහා අවශ්‍ය නවීන ශල්‍යාගාර 06 ක් මීට ඇතුළත්ය.
ආසන 200 කින් සමන්විත නවීන ශ‍්‍රවණාගාරයක් සහ වාහන 300 ක් ගාල් කළ හැකි රථ ගාලක් මෙන්ම රෝහල් කාර්ය මණ්ඩලය සදහා අවශ්‍ය නේවාසික පහසුකම් ඇතුලු පහසුකම්වලින් ද යුක්තය.
DE සිල්වා