කුමන වාතාවරණයක් යටතේ වුවද මරණ දඩුවම නැවත ක්රියාත්මක කිරීමේ තීරණයට විරෝධය පළ කරන බව පවසමීන් යුරෝපා සංගමය සහ කොළඹ පිහිටි තානාපති කාර්යාල කිහිපයක් ජනාධිපති මෛත්රීපාල සිරිසේන මහතා වෙත ඒකාබද්ධ ලිපියක් යොමු කරමීන් අවධාරණය කර තිබේ.
යුරෝපා සංගමය, බ්රිතාන්ය සහ කැනඩා මහ කොමසාරිස් කාර්යාල මෙම ලිපියට අත්සන් තබා තිබේ.
මීට අමතරව ප්රංශය,ජර්මනිය ,ඉතාලිය,නෙදර්ලන්තය,රුමේනියාව සහ නෝර්වේ රාජ්යයවල තානාපති කාර්යාල මීට අත්සන් තබා ඇත.
මරණ දඩුවම යලි බලාත්මක කිරීමේ වාර්තා පිළිබඳ නිසි පැහැදිලි කිරීමක් ඔවුන් ජනාධිපතිවරයාගෙන් ඉල්ලා ඇති අතර වසර 40 ක් පුරා මරණ දඩුවම ක්රියාත්මක නොකරමින් පවත්වා ගෙන ආ සම්ප්රදාය ඉදිරියටත් ආරක්ෂා කරගන්නා ලෙසට ඔවුන් වැඩිදුරටත් ඉල්ලා ඇත.
අධිකරණ පද්ධතියේ සුලු අතපසුවීමකින් වුවද නියම විය හැකි මරණ දඩුවම ක්රියාත්මක කලහොත් එය ආපසු හැරවිය නොහැකි බවද කොළඹ පිහිටි මෙම රාජ්ය තාන්ත්රික අංශ වැඩි දුරටත් අවධාරණය කර සිටියි.
