FAST NEWS

24×7 Around the Globe

රුපියල් හාරකෝටි අසූ ලක්‍ෂයක් වටින විදේශ මුදල් තොගයක් අත්අඩංගුවට..

ඉන්දීය ජාතික ගුවන් මගියෙකු සහ ශ්‍රී ලාංකික ගුවන් මගීන් දෙදෙනෙකු විසින් අද (13) පාන්දර කටුනායක ගුවන්තොටුපළේදී රුපියල් හාරකෝටි අසූ ලක්‍ෂයක් (48,000,000) වටිනා විදේශ මුදල් තොගයක් සමග අත්අඩංගුවට ගෙන ඇත.
මෙම මුදල් තොගය නීතිවිරෝධී ලෙස සිංගප්පූරුව බලා රැගෙන යෑමට තැත් කරද්දී ගුවන්තොටුපළ රේගු නිලධාරීන් විසින් අත්අඩංගුවට ගෙන ඇතැයි රේගු මාධ්‍ය ප්‍රකාශක සුනිල් ජයරත්න මහතා පැවසීය.
සැකකරුවන් අද (13) අලුයම 1.55ට පමණ සිංගප්පූරුව බලා පිටත්ව යන ශ්‍රී ලංකන් ගුවන් සේවයේ යූ.එල්.-306 දරන ගුවන් යානයට කටුනායක ගුවන්තොටුපොළ වෙත පැමිණ තිබිණි.
ඔවුන් විසින් ඇමෙරිකානු ඩොලර් 52,950ක්, යූරෝ 1,53,250ක් , සෞදි රියාල් 2,64,000ක් සහ කටාර් රියාල් 18,500ක් නීතිවිරෝධී ලෙස රැගෙන යමින් සිටියදී රේගු නිලධාරීන් විසින් අත්අඩංගුවට ගෙන තිබිණි.
රේගු අධිකාරී ඒ.එම්.ජේම්ස් මහතා ඇතුළු නිලධාරීන් විසින් සිද්ධිය සම්බන්ධයෙන් වැඩිදුර පරීක්ෂණ පවත්වති.
D.Undugoda