FAST NEWS

24×7 Around the Globe

දේශීය

මහින්දානන්දගේ නඩු විභාගය මහාධිකරණ විනිසුරු සම්පත් අබේකෝන්ට..

wpengine 0
පසුගිය රජයේ අමාත්‍යවරයකු ලෙස කටයුතු කරමින් සිටියදී අයථා ආකාරයෙන් උපයාගත් රුපියල් මිලියන 27 ක මුදලක් වැයකොට කොළඹ කිංසි පාරේ නිවසක් මිලදී ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකර ඇතැයි චෝදනා කරමින් හිටපු ක්‍රීඩා අමාත්‍ය පාර්ලිමේන්තු මන්ත්‍රී මහින්දානන්ද අළුත්ගමගේ මහතාට එරෙහිව ගොනු කර තිබෙන නඩුව කොළඹ මහාධිකරණ විනිසුරු සම්පත් අබේකෝන් මහතා ඉදිරියේ විභාගයට ගැනීමට කොළඹ මහධිකරණ ප්‍රධාන විනිසුරු ඒ. ඒ.ආර්. හෙයියන්තුඩුව මහතා අද (09) නියම කළේය.
මෙම නඩුව කොළඹ මහාධිකරණ විනිසුරු ගිහාන් කුලතුංග මහතා නොමැති විනිසුරු මඩුල්ලක් හමුවේ විභාගයට ගන්නා මෙන් අභියාචනාධිකරණය ඉකුත්දා නියම කර තිබුණි.
මේ අනුව මෙම නඩුව කොළඹ මහධිකරණයේ ප්‍රධාන විනිසුරු ඒ. ඒ.ආර්. හෙයියන්තුඩුව මහතා ඉදිරියේ කැඳවූ අවස්ථාවේදී එය වැඩිදුර විභාගය සඳහා විනිසුරු විකුම් කළුආරච්චි මහතා වෙත යොමු කිරීමට නියම කළ නමුත් විනිසුරු විකුම් කළුආරච්චි මහතා සඳහන් කර සිටියේ තමා මෙම නඩුව විභාග කිරීමට අකමැත්ත පළ කරන බවයි.
ඒ අනුව මෙම නඩුව විභාග කිරීම සඳහා විනිසුරු සම්පත් අබේකෝන් මහතා පත් කිරීමට නියම කිරිමට ප්‍රධාන විනිසුරුවරයා කටයුතු කළේය.
මෙ අනුව අදාළ නඩුව විනිසුරු සම්පත් අබේකෝන් මහතා ඉදිරියේ කැඳවූ අතර එහිදී නඩුවේ ඉදිරි කරුණු සලකා බැලීම සඳහා එය ලබන 17 වනදා කැඳවීමට ද විනිසුරුවරයා නියම කළේය.
DE සිල්වා
wpengine

Website:

This is the "wpengine" admin user that our staff uses to gain access to your admin area to provide support and troubleshooting. It can only be accessed by a button in our secure log that auto generates a password and dumps that password after the staff member has logged in. We have taken extreme measures to ensure that our own user is not going to be misused to harm any of our clients sites.

Related Story