පොලිස් මාධ්ය ප්රකාශක සහකාර පොලිස් අධිකාරී රුවන් ගුණසේකර මහතා සඳහන් කළේ, එවැනි පත්රිකා 15,000 කට ආසන්න තොගයක් සොයාගත් බව ය.
එහි කිසියම් අපේක්ෂකයෙකුගේ බවට හැඟවෙන මනාප අංකයක් ඉදිරියේ කතිරය ගසා තිබූ බව ද පොලීසිය සඳහන් කළේ ය.
මේ සම්බන්ධයෙන් සැකපිට පුද්ගලයෙකු අත්අඩංගුවට ගෙන තිබේ.
මේ පිළිබඳව මැතිවරණ මහ ලේක්ම් කාර්යාලයෙන් අප විමසීමක් කළේ ය.
අතිරේක මැතිවරණ කොමසාරිස් එම්.එම්.මොහොමඩ් මහතා සඳහන් කළේ, ඇතැම් අපේක්ෂකයින් මෙලෙස සමාන ආකෘති පත්ර සකස් කර බෙදා හරින බවට වාර්තාවන බව ය.
පොලිස් මාධ්ය ප්රකාශක සහකාර පොලිස් අධිකාරී රුවන් ගුණසේකර මහතා සඳහන් කළේ, නම සඳහන් අපේක්ෂකයාගෙන් ද ප්රකාශයක් ලබා ගැනීමට බලාපොරොත්තු වන බව ය.
මේ අතර ඌව පරණගම ප්රදේශයේ ව්යාපාරික ස්ථානයකින් නිල ඡන්ද දැන්වීම් පත්රිකා තොගයක් හා අපේක්ෂක නම් ලැයිස්තු 36 ක් සොයා ගැනීමෙන් පසු විශේෂ පරීක්ෂණ ආරම්භකර තිබේ.
මේ අතර තැපැල් ඡන්දය පැවති 03, 05 සහ 06 යන දිනවලදී ඡන්දය සලකුණු කිරීමට නොහැකිවූ පුද්ගලයින්ට හෙට දිනයේ තැපැල් ඡන්ද සලකුණු කළ හැකි බව මැතිවරණ මහලේකම් කාර්යාලය පැවසී ය.
අතිරේක මැතිවරණ කොමසාරිස් එම්.එම්.මොහොමඩ් මහතා පැවසුවේ, ඒ සඳහා ඔවුන් අදාළ ප්රදේශයේ දිස්ත්රික් තේරීම්භාර නිලධාරී කාර්යාලයට යායුතු බව ය.
මේ අතර සලකුණු කරන ලද තැපැල් ඡන්ද රක්ෂිත පැකට්ටු ප්රවාහනය ආරම්භ කළ බව තැපැල් දෙපාර්තමේන්තුව සඳහන් කළේ ය.
තැපැල්පති රෝහණ අබේරත්න මහතා පැවසුවේ, අද දිනයේ දිට අදාළ රක්ෂිත පැකට්ටු තේරීම්භාර නිලධාරී කාර්යාල වෙත භාරදීමට කටයුතු කරමින් සිටින බව ය.
මේ අතර ඊයේ කොළඹදී පැවති ප්රවෘත්ති සාකච්ඡාවකදී කැෆේ සංවිධානයේ විධායක අධ්යක්ෂ කීර්ති තෙන්නකෝන් මහතා පැවසුවේ, මැතිවරණ ප්රචණ්ඩ ක්රියා සමබන්ධයෙන් නීතිය ක්රියාත්මකවීම් මෙවර මැතිවරණයේදී දැකගත හැකි බව ය.
