මංගලගේ ඩයස්පෝරා සැණකෙළියට හෙළ උරුමය උරණ වෙයි.

මංගලගේ ඩයස්පෝරා සැණකෙළියට හෙළ උරුමය උරණ වෙයි.

විදේශ කටයුතු අමාත්‍යාංශය සංවිධානය කරන බව පවසන ඩයස්පෝරා සැණකෙළිය සම්බන්ධයෙන් ජාතික හෙළ උරුමය දැඩි විරෝධය පළකරන අතර, එම සැණකෙළිය නැවැත්වීම පිණිස නීතිමය ක්‍රියාමාර්ග ගැනීමට සූදානම් වේ.

එල්.ටී.ටී.ඊ. ත්‍රස්තවාදයට ඍජුව සහයෝගය හා අනුග්‍රහය ලබාදුන් දෙමළ ඩයස්පෝරා සාමාජිකයන් ශ්‍රී ලංකාවට ගෙන්වා සැණකෙළියක් පැවැත්වීමට පසුගිය ජනාධිපතිවරණයේදී අගමැති රනිල් වික්‍රමසිංහ මහතාට හෝ එක්සත් ජාතික පක්ෂයට ජනවරමක් හෝ බලයක් කිසිසේත්ම හිමි වී නොමැති බව ජාතික හෙළ උරුමයේ මාධ්‍ය ප්‍රකාශක නිශාන්ත ශ්‍රී වර්ණසිංහ මහතා අවධාරණය කළේය.
හෙතෙම මේ බව පැවසුවේ ඊයේ (21දා) පැවති මාධ්‍ය හමුවකට සහභාගී වෙමිනි.