(ෆාස්ට් නිව්ස් | කොළඹ) – ජනාධිපති ලේකම් කාර්යාලයට ඉකුත් ජූලි 09 වෙනිදා කඩා වැදී එහි දේපොල වලට හානි කිරීම් සම්බන්ධයෙන් සැකපිට 09 දෙනෙකු කොළඹ උතුර අපරාධ විමර්ශන කාර්යාංශයේ නිලධාරීන් විසින් ඊයේ අත්අඩංගුවට ගෙන ඇත.
එසේ අත්අඩංගුවට ගෙන ඇත්තේ නිකදළුපොත, කුරුණෑගල, ගෝනගම හා මාළිගාවත්තේ පදිංචිකරුවන් පිරිසක්. ඒ අය අවුරුදු 22ත් 43ත් අතර පසුවන්නන්ය.
මෙම සැකකරුවන් 09 දෙනා කොළඹ කොටුව අධිකරණයට අද ඉදිරිපත් කිරීමට නියමිතව ඇත.
