(ෆාස්ට් නිව්ස් | කොළඹ) – දැනට රක්ෂිත බන්ධනාගාරගතව සිටින හිටපු ආණ්ඩුකාර අසාද් සාලි වෙනුවෙන් ඇප ඉල්ලා ගොණුකර තිබූ මෝසම ඔහුගේ නීතීඥ මෛත්රී ගුණරත්න මහතා විසින් ඉල්ලා අස්කරගෙන තිබෙනවා.
කොළඹ මහාධිකරණ විනිසුරු මංජුල තිලකරත්න මහතා ඉදිරියේ මෙම මෝසම අද සළකා බැලුණා.
එහිදී විනිසුරුවරයා සඳහන් කළේ මාවනැල්ල බුදුපිළිම කැඩීමේ සිද්ධිය සහ ජාතීන් අතර මතභේදයක් ඇතිවන ප්රකාශයක් කිරීම යන සිදුවීම්වලට අදාළව විත්තිකරුට නීත්පතිවරයා විසින් නඩු පවරා ඇත්තේ වෙනත් අධිකරණ 02 කදී බවයි.
එබැවින් මෙම මෝසම විභාග කිරීමට තමන්ට බලයක් නැතැයි මහාධිකරණ විනිසුරු මංජුල තිලකරත්න මහතා කියාසිටියා.
ඒ අනුවයි මෛත්රී ගුණරත්න මහතා විසින් අදාළ මෝසම ඉල්ලා අස්කර ගනු ලැබුවේ.
