ප්‍රදේශ රැසකට පස්වරුවේ වැසි

ප්‍රදේශ රැසකට පස්වරුවේ වැසි

(ෆාස්ට් නිව්ස් | කොළඹ) – අද දිනයේත් දිවයිනේ බොහෝ ප්‍රදේශ වලට පස්වරු කාලයේ වැසි හෝ ගිඟුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව සඳහන් කරයි.

ඒ අනුව සබරගමුව, ඌව, මධ්‍යම, බස්නාහිර, වයඹ හා උතුරු මැද පළාත්වලත් ගාල්ල, මාතර හා මන්නාරම දිස්ත්‍රික්කවලත් සවස 2 න් පසුව වැසි හෝ ගිඟුරුම් සහිත වැසි ඇතිවේ.

සබරගමුව සහ මධ්‍යම පළාත්වල ඇතැම් ස්ථානවල උදෑසන කාලයේ දී මීදුම් සහිත තත්ත්වයක් ඇති වෙන බව කාලගුණ අංශය පවසයි.

ගිඟුරුම් සහිත වැසි සමඟ ඇති විය හැකි අතර තාවකාලිකව තද සුළං සහ අකුරු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසත් ජනතාවට දැනුම් දෙයි.