(ෆාස්ට් නිව්ස් | කොළඹ) – ඊයේ (25) මධ්යම රාත්රියේ සිට ක්රියාත්මක වන දුම්රිය වෘත්තිය සමිති වැඩ වර්ජනය හේතුවෙන් දුම්රිය ධාවන කටයුතු සම්පූර්ණයෙන් අඩාලවී තිබේ.
වැටුප් විෂමතා ගැටළුවක් මුල් කරගනිමින් ඊයේ මධ්යම රාත්රියේ සිට මෙම වර්ජනය ක්රියාත්මක අතර , දුම්රිය ස්ථානාධිපතිවරුන්, නියාමකවරුන්, පාලකවරුන්, අධීක්ෂකවරුන් සහ රියදුරන් එක්ව මෙය ක්රියාත්මක කරනු ලබයි.
වර්ජනය හේතුවෙන් අද පෙරවරුවේ දුම්රිය ගමන් වාර 174 ක් පමණ අවලංගු කෙරුණු අතර, කාර්යාල දුම්රිය 06 ක් පමණක් ධාවනයට එක්කර තිබුණි.
කෙසේ වෙතත් කොළඹ කොටුවේ සිට කිසිදු දුම්රියක් ධාවනයට එක්කර තිබුණේ නැත.
දුම්රිය සේවක වැඩ වර්ජනය හේතුවෙන් අද රාත්රියේ ධාවනය වීමට නියමිත සියලුම තැපැල් දුම්රිය අවලංගු කළ බව දුම්රිය ගමනාගමන අධිකාරිය සදහන් කරයි.
