(ෆාස්ට් නිව්ස් | කොළඹ) – අද (26) දිනයේදී යාපනය, මුලතිවු සහ කිලිනොච්චි දිස්ත්රික්කවල වැසි ගෝ ගිගුරුම් සහිත වැසි ඇති විය හැකි බවත් , මධ්යම, සබරගමුව, බස්නාහිර සහ වයඹ පළාත්වලත් ගාල්ල සහ මාතර දිස්ත්රික්කවලත් වැසි වාර කිහිපයක් අපේක්ෂා කරන බවත් කාලගුණ විද්යා දෙපාර්තමේන්තුව නිවේදනය කරයි.
පුත්තලම සිට කොළඹ සහ ගාල්ල හරහා හම්බන්තොට දක්වා වන මුහුදු ප්රදේශවල සහ කන්කසන්තුරය සිට මුලතිවු හරහා ත්රිකුණාමලය දක්වා වෙරළට ඔබ්බෙන් වන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇති වන බව සඳහන්.
හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 60 දක්වා වැඩි විය හැකි අතර මෙම මුහුදු ප්රදේශ විටින් විට රළු වේ.
මීගමුව සිට පුත්තලම සහ මන්නාරම හරහා කන්කසන්තුරය දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට වැඩි වී මුහුදු ප්රදේශය විටින් විට තරමක් රළු විය හැක.
ධීවර සහ නාවුක ප්රජාව මේ පිලිබදව ඉතා අවධානයෙන් කටයුතු කරන ලෙස ද එම දෙපාර්තමේන්තුව ඉල්ලා සිටියි.
