FAST NEWS

24×7 Around the Globe

දේශීය

සිදුවුයේ රතුපස්වල වෙඩි වැදුණු පුද්ගලයන්ට වන්දි දීම පමණයි..

wpengine 0
රතුපස්වල වෙඩි වැදුණු පුද්ගලයන්ට වන්දි ලබා දීම සිදු වුවද වෙනත් කිසිදු ක්‍රියාවලියක් සිදුවී නැතැයි ,පිරිසිදු පානීය ජලය ඉල්ලූ රතුපස්වල ප්‍රදේශවාසීන්ට වෙඩි තබා තිදෙනකු මරා දමා ලබන අගෝස්තු පළමු වැනිදාට වසර පහක් ගතවීම නිමිත්තෙන් අද (24) ශ්‍රී ලංකා මානව හිමිකම් කොමිෂන් සභාවේ දි එම ගැටලුවේ ප්‍රගතිය ගැන විශේෂ සාකච්ඡාවකදි අනාවරණය විය.
සියනෑ පරිසරය සුරැකීමේ ඒකාබද්ධ සංවිධානය, ශ්‍රී ලංකා තරුණ ජනමාධ්‍යවේදීන්ගේ සංගමය ඇතුළු පාර්ශ්ව කිහිපය සහභාගිවයෙන් ශ්‍රි ලංකා මානව හිමිකම් කොමිෂන් සභාවේ විමර්ශන සහ පර්යේෂණ අධ්‍යක්ෂවරයා ඉදිරියේ පැවැති එම සමාලෝචන රැස්වීමේදී ගම්වාසීහු මෙ බව පෙන්වා දුන්හ.
වන්දි ලබා දීමේදී ද ඇතැම් පිරිස් වෙත වන්දි නොලැබුණු බවත්, පහරකෑ මාධ්‍යවේදීන්ට වන්දි ලැබුණත් අලාභ හානි වූ උපකරණ වෙනුවෙන් වන්දියක් ලබා නොදුන් බවත් මෙහිදි සකච්ඡා විය.
මේ සම්බන්ධයෙන් ශ්‍රී ලංකා යුද හමුදාවෙන් මූලික පරීක්ෂණ උසාවියක් පවත්වා බ්‍රිගේඩියර් ඇතුළු පිරිසක් වරදකරුවන් කළත් ඔවුන්ට එරෙහිව යුද අධිකරණයක් හෝ විනය ක්‍රියාමාර්ග කිසිත් ක්‍රියාමක නොවූ බව කී ගම්වාසීහු අවධාරණය කර සිටියහ.
මධ්‍යම පරිසර අධිකාරියද වරින් වර පරස්පර වාර්තා ලබා දී ඇති බව එම වාර්තා ගෙන හැර දක්වමින් පෙන්වා දුන් අතර ජල සම්පත් මණ්ඩලය ඇතුළු අනිකුත් ආයතන ද තම වගකීම් හරිහැටි ඉටු කර නැතැයි පෙන්වා මෙහිදි දුන්හ.
මේ අනුව අදාළ ආයතනවලින් ලිඛිත කරුණු දැක්වීමක් කැඳවා ඉන් පසු සියලු පාර්ශ්ව ගෙන්වා විමර්ශනය පවත්වන බව ශ්‍රී ලංකා මානව හිමිකම් කොමිෂන් සභාව මෙහිදි සඳහන් කළේය.
2013 අගෝස්තු පළමු වැනි දා සිදු වූ වෙඩි තැබීමෙන් පාසල් සිසුහු දෙදෙනෙක් ඇතුළු තිදෙනෙක් මිය ගොස් තවත් විශාල පිරිසක් තුවාල ලැබූහ.
DE සිල්වා
wpengine

Website:

This is the "wpengine" admin user that our staff uses to gain access to your admin area to provide support and troubleshooting. It can only be accessed by a button in our secure log that auto generates a password and dumps that password after the staff member has logged in. We have taken extreme measures to ensure that our own user is not going to be misused to harm any of our clients sites.

Related Story