ආණ්ඩුවට වසරක් සපිරෙන ජනවාරි 8 වැනිදා කොළඹ කොටුවේ සත්යග්රහයක් කිරීමට බලාපොරොත්තුවන බව පැවිදි හඬ සංවිධානයේ සභාපති නාරාහේන්පිට අභයාරාමාධිපති මුරුත්තෙට්ටුවේ ආනන්ද හිමියෝ පැවසූහ.
‘අපි මහා සංඝරත්නය විදියට අවුරුද්දක් ඉවසුවා. අවුරුද්දක් නිහඬව හිටියා. ඒත් මේ ආණ්ඩුව දැන් එන්න එන්නම දේශද්රෝහී වැඩ කරනවා. ඒක නිසා අපි ‘පැවිදි හඬ‘ සංඝ සංවිධානය සත්යග්රහයක් කිරීමට බලාපොරොත්තු වෙනවා‘ යැයි ආනන්ද හිමියෝ කීහ.
මැදගොඩ අභයතිස්ස, ඉඳුරාගාරේ ධම්මරතන, ඉත්තෑකන්දේ සද්ධාතිස්ස, බෙංගමුවේ නාලක යන හිමිවරුද එක්ව අභයාරාමයේ පැවැති මාධ්ය හමුවකදී ආනන්ද හිමියෝ මේ බව පැවසූහ.
