(ෆාස්ට් නිව්ස් | කොළඹ) – පාර්ලිමේන්තු මන්ත්රී රිෂාඩ් බදියුදීන් සහ රියාජ් බදියුදීන් අත්අඩංගුවට ගැනීම දෙමළ ජාතික ජනතා පෙරමුණ විසින් දැඩිව හෙළා දැක ඇත.
සමස්ත ලංකා මහජන කොංග්රස් නායක, පාර්ලිමේන්තු මන්ත්රී රිෂාඩ් බදියුදීන් සහ ඔහුගේ සහෝදරයා පසුගිය සෙනසුරාදා (24) අලුයම ත්රස්තවාදය වැළැක්වීමේ පනත යටතේ රහස් පොලිසිය විසින් අත්අඩංගුවට ගනු ලැබීය.
පාස්කු ප්රහාරයේ මරාගෙන මැරෙන බෝම්බකරුවන්ට ආධාර කිරීම සහ අනුබල දීම යන චෝදනා මත ඔවුන් ත්රස්තවාදය වැළැක්වීමේ පනත යටතේ ඔවුන්ගේ නිවෙස්වල දී අත්අඩංගුවට ගත් බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා සඳහන් කරයි.
මේ සම්බන්ධයෙන් මේ වන විට රහස් පොලිසිය විසින් ප්රශ්න කර ඇති අතර පැය 72 ක් රඳවා තබා ගැනීමට අවසර ලබා දී ඇති බව නියෝජ්ය පොලිස්පති රෝහණ මහතා වැඩිදුරටත් පැවසීය.
පාර්ලිමේන්තු මන්ත්රී රිෂාඩ් බදියුදීන් සහ රියාජ් බදියුදීන්ගේ අත්අඩංගුවට ගැනීම් සම්බන්ධයෙන් මේ වන විට විපක්ෂයේ දේශපාලන පක්ෂ රැසකින් දැඩි විරෝධතාවයන් එල්ල වෙමින් පවතියි.
සමගි ජන බලවේගයේ මන්ත්රීවරුන් චෝදනා කර සිටින්නේ ආණ්ඩුව මේ වන විට විපක්ෂයේ මන්ත්රීවරුන් “දඩයම් කිරීමක” යෙදී සිටින බවයි.
විශේෂ ට්විටර් පණිවිඩයක් නිකුත් කරමින් දෙමළ ජාතික ජනතා පෙරමුණේ නායක, පාර්ලිමේන්තු මන්ත්රී ගජේන් පොන්නම්බලම් සඳහන් කර සිටියේ මෙම අත්අඩංගුවට ගැනීම් තම පක්ෂය දැඩිව හෙළා දකින බවයි.
.@TnpfOrg vehemently condemns d arrest of @rbathiudeen under d PTA which is a universally condemned draconian law. D timing&manner in which d arrest took place have all d hallmarks of political motivation in a country where d police act as an extension of the party in power. (1)
— Gajen Ponnambalam MP (@GGPonnambalam) April 25, 2021
As a party representing a community that has been most affected by the PTA, we can unhesitatingly state that no justice can ever be meted out through the PTA. Rather, what this country will be left with is a legacy of injustice. (2)
— Gajen Ponnambalam MP (@GGPonnambalam) April 25, 2021
The overwhelming experience of arrests and legal action under the PTA shows that it is a tool used by governments to punish people who they have no evidence against. (3)
— Gajen Ponnambalam MP (@GGPonnambalam) April 25, 2021
මීට අමතරව ශ්රී ලංකා මුස්ලිම් කොංග්රසය නියෝජනය කරමින් එහි නායක, පාර්ලිමේන්තු මන්ත්රී රවුෆ් හකීම්, සහ දෙමළ ප්රගතිශීලී සන්ධානයේ නියෝජනය කරමින් එහි නායක, පාර්ලිමේන්තු මන්ත්රී මනෝ ගනේෂන්, ඇතුළු තවත් විපක්ෂයේ දේශපාලන පක්ෂ රැසක් රිෂාඩ් බදියුදීන් සහ රියාජ් බදියුදීන් අත්අඩංගුවට ගැනීම හෙළා දකිමින් නිවේදන නිකුත් කර ඇත.
