(ෆාස්ට් නිව්ස් | කොළඹ) – මාර්ග සංවර්ධන අධිකාරිය පවසන ආකාරයට දක්ෂිණ අධිවේගී මාර්ගය රථවාහන ගමනාගමන කටයුතු සඳහා අද සිට අදියර දෙකක් යටතේ විවෘත කෙරේ.
ඒ අනුව කොට්ටාව සිට හම්බන්තොට දක්වා වූ කොටස අද (20) විවෘත කෙරෙන බව එම අධිකාරිය පවසයි.
අද පෙරවරු 7 සිට රාත්රී 7 දක්වා කාලය තුළ රථවාහන ගමනාගමන කටයුතු සඳහා එම මාර්ගය විවෘත කර තැබෙන බව සඳහන්ය.
ලබන බදාදා දිනයේ සිට දක්ෂිණ අධිවේගී මාර්ගයේ කටුනායක සිට හම්බන්තොට දක්වා කොටස ද විවෘත කිරීම සිදුවන බව මාර්ග සංවර්ධන අධිකාරිය සඳහන් කළේය.
කොවිඩ්-19 වෛරස ව්යාප්තිය පාලනය කිරීම සඳහා ඇඳිරි නීතිය පැනවීමත් සමග දක්ෂිණ අධිවේගී මාර්ගය වසා දැමුණු අතර අත්යවශ්ය සේවා සිදුකරන රථවාහනවලට පමණක් අදාළ කාලය තුළ එම මාර්ගය භාවිත කිරීමට අවස්ථාව ලබාදී තිබුණි.
