සුදුලුණු වංචාව : ව්‍යාපාරිකයාගේ පුතාත් අත්අඩංගුවට

සුදුලුණු වංචාව : ව්‍යාපාරිකයාගේ පුතාත් අත්අඩංගුවට

(ෆාස්ට් නිව්ස් | කොළඹ) – ලංකා සතොස සමාගමේ සිදුවූ සුදුලුණු වංචාවට අදාලව තවත් සැකකරුවෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.

සැකකරු බම්බලපිටිය ප්‍රදේශයේ පදිංචි වයස අවුරුදු 25 ක අයෙක්.

මෙම සැකකරු සතොස ආයතනයෙන් සුදු ලූණු වංචා සහගතව මිළදි ගත් පුද්ගලයාගේ පුත්‍රයා බවයි පොලිසිය සදහන් කළේ.

25 හැවිරිදි මෙම සැකකරු අත්අඩංගුවට පත්වුනේ එම සමාගමට රුපියල් එක් කෝටි දාහත් ලක්ෂ දහනම දහස් විස්සක් වංචා කිරීමට සම්බන්ධයෙන් කූට ලේඛන සකස් කිරීම හා සොරබඩු සන්තකයේ තබා ගැනීම යන වැරදි සිදුකරමින් එම වංචාවට ආධාර අනුබල දීම චෝදනාව යටතේයි.

සැකකරු අද වැලිසර මහේස්ත්‍රාත් අධිකරණයට ඉදිරිපත් කිරීමට නියමිතයි.